Жоғалған әскери тікұшақ: Іздеу жұмыстарына имамдар мен тылсым күштер тартылды

Қазақстан Қарулы күштері Әуе қорғанысы күштері Әскери-әуе күштерінің қолбасшысы Асқар Ізбасов Алматы облысында жоғалған EC-145 әскери тікұшағын іздеу жұмыстарына дәстүрден тыс әдістердің де қолданылып жатқанын мәлімдеді. Оның айтуынша, іздеу шараларына тылсым күштер, имамдар тартылып, арнайы рәсімдер мен құрбандық шалу шаралары да жасалған.

Іздестіру жұмыстары Алматы облысындағы Сорбұлақ көлінің маңында 11 күннен бері жалғасып жатыр.

Айта кетейік 25 шілде күні таңертең бортында үш экипаж мүшесі бар Eurocopter EC-145 әскери тікұшағымен байланыс үзілген болатын. Құлаған тікұшақта болған сарбаз Бахтияр Ержігітовдың анасы ұлын іздесдестіріп жүргені жайлы айтқан болатынбыз.