Алматы облысында 13 жастағы жасөспірім көлік жүргізіп, жол апатына ұшырады

Алматы облысы Жалпақсай ауылында 13 жастағы жасөспірім көлік жүргізіп, соңы адам өліміне әкелді. ВАЗ мен Hyundai Grandeur көліктері соқтығысып, екі адам қаза тапты деп хабарлайды POLITICO.KZ

Жол-көлік оқиғасына Lada көлігінің 34 жастағы жүргізушісі күдікті. Ол басты жолда келе жатқан көлікке жол бермеген. Салдарынан 13 жастағы жасөспірім жүргізген Hyundai бағанаға соғылды. Ол ауруханаға жеткізілді. Lada жүргізушісі мен жолаушысы оқиға орнында көз жұмды.

Полиция жағдайдың егжей-тегжейін, соның ішінде 13 жастағы баланың рөлде қалай болғанын тексеріп жатыр. Оның ата-анасы жауапқа тартылып, 80 мың теңгеге дейін айыппұл салынады немесе 10 тәулікке дейін қамауға алынады. Соңғы шешімді сот шығармақ.

"Сағат 12:30 шамасында ВАЗ мен Hyundai Grandeur соқтығысқан. Алдын ала анықталғандай, ВАЗ жүргізушісі қосалқы жолдан шығып кетіп, негізгі жолмен келе жатқан көлікке көнбей қалған", – деді Алматы облыстық ПД баспасөз қызметінің жетекшісі Ернар Сайділдин