Соңғы жаңалықтар

Қазақстандағы IV Ұлттық құрылтай барысында мәдениет пен әлеуметтік саясаттың болашағы талқыланды, деп хабарлайды POLITICO.KZ. Мәжіліс депутаты М.Магеррамов Мемлекет басшысы Қасым-Жомарт Тоқаевтың бастамаларына қатысты пікір білдіріп, құрылтайдың қоғам үшін маңыздылығын атап өтті.

"Ұлттық құрылтай – халықтың мемлекеттік басқару процестеріне қатысуына мүмкіндік беретін маңызды алаң. Президент Тоқаевтың дәстүрлі құрылтай форматына сүйене отырып жүргізіп отырған саясаты – елдің саяси және әлеуметтік өміріне азаматтардың белсенді араласуына жол ашатын демократиялық қадам", – деді депутат.

Магеррамовтың айтуынша, құрылтайда мәдени мұраны сақтау және дамыту мәселесіне ерекше көңіл бөлінді. Осы ретте ол Академиялық орыс драма театрына "Ұлттық" мәртебесін беру туралы бастаманы қайта көтерді.

Сонымен қатар, құрылтай аясында әлеуметтік саясаттың болашағы да қарастырылды. Депутат мемлекеттің әлеуметтік жауапкершілігі нақты шекараларда болуы керек екенін атап өтті.

"Қазақстан өзін әлеуметтік мемлекет ретінде бекіткен соң, халықтың әл-ауқатын жақсарту – басты міндет. Бірақ әлеуметтік көмек шын мәнінде мұқтаж адамдарға бағытталуы тиіс. Әлеуметтік саясаттың басты мақсаты – адамдарды еңбекке ынталандыру, кәсіби дамуға бағыттау. Тек қолдау көрсету жеткіліксіз, азаматтарды өзін-өзі дамытуға жағдай жасау керек", – деді Мәжіліс депутаты.

Оның айтуынша, мемлекеттік қолдау шамадан тыс болмауы тиіс, өйткені бұл масылдық пен бюджеттік ресурстарды тиімсіз жұмсауға әкелуі мүмкін.

Магеррамов Мемлекет басшысының бұл бағыттағы бастамаларын қолдай отырып, әлеуметтік саясаттың жаңа моделі әзірленуі тиіс екенін атап өтті. Бұл модель көмекке мұқтаж адамдарды қорғаумен қатар, еңбекке ынталандыру және кәсіби даму мүмкіндіктерін кеңейтуді қамтуы қажет.

Ұлттық құрылтай азаматтық қоғам мен билік арасындағы диалогты нығайтудың тиімді құралына айналуда, деп хабарлайды POLITICO.KZ. Мәжіліс депутаты Наталья Дементьева IV Ұлттық құрылтай отырысында құрылтайдың болашағы мен оның қоғамға тигізер ықпалы туралы ойымен бөлісті.

"Ұлттық құрылтай халықтың маңызды мәселелерді билікке жеткізуіне мүмкіндік береді. Қазіргі таңда ол консультативтік орган ретінде жұмыс істеп жатыр, бірақ болашақта толыққанды азаматтық қоғам институтына айналуы мүмкін. Бұл құрылтай елдегі демократиялық процестердің дамуына ықпал ететін құралға айналуда", – деді депутат.

Дементьева Ұлттық құрылтайда айтылған ұсыныстардың нақты шешімдерге айналып жатқанын да атап өтті. Өткен жылы Атырауда өткен III құрылтайда көтерілген мәселелердің негізінде тоғыз заң қабылданып, Президент қол қойған. Олардың ішінде отбасылық зорлық-зомбылыққа қарсы заң, лудоманияға қатысты шектеулер, есірткі тасымалдаушыларға қатаң шаралар енгізу сияқты қоғам үшін маңызды бастамалар бар.

Депутаттың айтуынша, "Слышащее государство" тұжырымдамасы аясында азаматтардың үнін билік естуге міндетті. Оның дәлелі ретінде елде референдумдар, онлайн-петициялар, қоғамдық бақылау жүйесі сияқты демократиялық механизмдердің іске қосылғанын мысалға келтірді.

"Қоғамдық бастамалар ескерусіз қалмауы тиіс. Егер онлайн-петиция қабылданбаса, билік оның себебін нақты түсіндіруі керек: қанша дауыс жиналды, қандай негізде қабылданбады – мұның бәрі ашық болуы қажет", – деді Дементьева.

Депутаттың пікірінше, Ұлттық құрылтай консультативтік органнан толыққанды институтқа айналуы мүмкін. Ол Қазақстан халқы Ассамблеясының мысалын келтіре отырып, бұл құрылым да уақыт өте келе Парламент деңгейінде шешім қабылдайтын органға айналуы мүмкін екенін айтты.

"Біз Ұлттық құрылтайдың қоғам үшін маңызын арттыруға міндеттіміз. Бұл құрылым болашақта конституциялық мәртебеге ие болуы мүмкін", – деп түйіндеді Дементьева.

Ақпарат 365info.kz сайтынан алынған.

Қазақстанда 600-ден астам компания салық органдарының жіті бақылауына ілінді, деп хабарлайды POLITICO.KZ ORDA агенттігіне сілтеме жасап.

Мемлекеттік кірістер комитеті (КГД) 33 салық төлеушіге табысын азайтқаны үшін ескерту жасады. Тексеру нәтижесінде 17 млрд теңге бюджетке қайтарылды.

КГД мәліметінше, құрылыс және сауда саласындағы компаниялар салықтық міндеттемелерін азайту үшін түрлі схемаларды қолданған. Соның ішінде BI Group және BAZIS секілді ірі құрылыс компаниялары да құжаттарын түзетуге мәжбүр болды.

Қаржы министрлігі бұл жұмыстың жалғастырылатынын атап өтті. Мемлекет ІП (ЖК) қолдану және бизнесті бөлу арқылы салықтан жалтару жолдарын жабуды көздейді. Әсіресе құрылыс және сауда салаларындағы бұзушылықтарға ерекше назар аударылуда.

КГД тексерулерді күшейткенмен, кәсіпкерлермен диалогқа да басымдық береді. Сонымен қатар, Қазақстан 2024 жылы 89 юрисдикциямен, оның ішінде 26 офшорлық аймақпен қаржылық ақпарат алмасу жүйесіне қосылды. Осы жүйе арқылы қазақстандықтардың шетелдегі есепшоттары бақылауға алынып, бюджетке 5,4 млрд теңге қайтарылды.

Салық жүйесін жетілдіру үшін "Цифрлық ҚҚС" пилоттық жобасы да іске қосылды. Бұл механизм қосымша құн салығын қайтару мерзімін 55-75 күннен 15 жұмыс күніне, ал пилоттық жоба аясында 5 күнге дейін қысқартады. Осылайша, салықтық процестердің ашықтығы артып, кәсіпкерлерге қолайлы жағдай жасалады.

Мемлекеттік кірістер комитетінің мәлімдеуінше, бұл реформалар салықтық әділеттілікті қамтамасыз етуге және экономикалық өсімді тұрақтандыруға бағытталған.

Танымал продюсер Гүлзира Айдарбекова кезінде сахнаға алып шыққан әнші Сырым Исабаев туралы пікір білдірді, деп хабарлайды POLITICO.KZ. 

Айтуынша, Сырым өзін өнерден уақытша шеттетіп, дінге бет бұрған.

"Сырым «Мен жоқ болып кетіп, қайтадан жарқырап шыққым келеді» деп жиі айтатын. Кейін намаз оқып, бизнеске қызығып кетті. Бұл – өз таңдауы. Бірақ сыйластығымыз үзілген жоқ. Жақында Шымкентке келіп, өнерге қайта оралғысы келетінін айтты", – деді продюсер.

Сондай-ақ, Айдарбекова өнер адамдарының танымал болған соң өзгеріп кететінін де атап өтті.

"Кезінде «АльЗаБи» деген топ құрдым. Бірақ ұзаққа бармады. Себебі, мүшелері ерке балалар еді. Ұлым Заңғар да сонда болды. Олар айтқанға көнбеген соң, топты тараттым. Бірақ ешқайсысына қысым көрсеткен жоқпын", – деді ол.