Алматы тауларында жоғалған 20 жастағы жігіт өлі табылды

27 шілде күні із-түзсіз жоғалған Алан есімді жігіт мерт болды, деп хабарлайды POLITICO.KZ.

Бұл туралы әлеуметтік желі қолланушысы хабарлады. Марқұм 2 күн бұрын таңертең Жастар шыңына қарай жолға шыққаннан қайта оралмаған. 

Бұған дейін Алматы қалалық Төтенше жағдайлар департаменті іздеу-құтқару штабы құрылғанын және құтқарушылардың жұмыс істеп жатқанын мәлімдеген еді. Іздестіруге кинологтар мен дрондар да тартылған. Кейіннен іздеу жұмыстарына «Медеу» құтқару бекетінен Республикалық жедел-құтқару жасағы (РОСО) мен «Тұйық-Су» бақылау-құтқару пунктінің мамандары жұмылдырылды.