Ақтөбе облысында із түзсіз жоғалған 10 жасар баланы бүкіл ауыл мен құтқарушылар тікұшақпен іздеп жатыр

31 наурыз 2026, 10:32 2047

Ақтөбе облысында із түзсіз жоғалған 10 жасар баланы бүкіл ауыл мен құтқарушылар тікұшақпен іздеп жатыр

ЖАЛҒАСЫ

Ақтөбе облысында 20 күн бұрын жоғалған 10 жасар баланың денесі табылды
17.04.2026, 16:10

Ақтөбе облысының Сарыжар ауылында үйінен шығып кеткен 10 жасар бала іздестіріліп жатыр, деп хабарлайды Politico.kz.

2016 жылы туған Мансұр Саматов 29 наурыз күні сыртқа шығып кетіп, содан қайта оралмаған. Жасөспірімнің жоғалғаны туралы шағым Мәртөк аудандық полиция бөліміне сол күні кешке түсіп, құзыретті органдар бірден іздеу шараларына кіріскен.

Тәртіп сақшыларының алдын ала болжамы бойынша Мансұр абайсызда суға құлап кетуі мүмкін. Осыған байланысты қазіргі уақытта Елек өзенінің жайылмасында катерлермен арнайы патрульдеу жүргізіліп жатыр.

«Іздеу жұмыстарына полиция қызметкерлері, құтқарушылар, оның ішінде сүңгуірлер, жылу камерасымен жабдықталған ұшқышсыз ұшу аппараттары, кинолог, арнайы техника және тікұшақ жұмылдырылды. Сондай-ақ жергілікті тұрғындар мен әскери қызметшілер тартылған», – деп хабарлады полиция.