Жол апаты: Ақтөбеде қаза тапқан 5 адам – бір отбасының мүшелері

Ақтөбедегі жантүршігерлік жол апатынан бір отбасынан 5 адам қаза тапты. Қайғылы жағдайға қатысты тың деректі өңірдегі KAZ.NUR.KZ тілшісі ұсынды. Ресми мәліметке сүйенсек, жеңіл көліктегі 4 жолаушы оқиға орнында көз жұмған. Ал 4 жасар бала аудандық ауруханада қайтыс болған. Полиция департаменті жол-көлік оқиғасы бойынша сотқа дейінгі тергеп-тексеруді бастады. Ақтөбе облыстық денсаулық сақтау басқармасының баспасөз қызметі аудандық ауруханаға жеткізілген баланың өмірін аман алып қалу мүмкін болмағанын хабарлады.

Полижарақат алған 4 жасар бала қаза тапты. 30 минут бойы реанимациялық шаралар жүргізілді. Ал аудандық ауруханаға жеткізілген жүргізушінің жағдайы тұрақталды. Есін жиды, жағдайы ауыр. Жол-көлік оқиғасы кезінде 50 жастағы әйел, 35-40 жас шамасындағы ер, 14 және 12 жас шамасындағы екі жасөспірім жедел жәрдем жеткенше қайтыс болды. Бәрі – бір отбасының адамдары, - деп хабарлады облыстық денсаулық сақтау басқармасы.

Ақтөбе Жол апаты Отбасы Қаза

Жол апаты: Ақтөбеде қаза тапқан 5 адам – бір отбасының мүшелері

Соңғы жаңалықтар