Қарттар күніне орай зейнеткерлерге біржолғы әлеуметтік төлем төленеді

Астана қаласының әкімдігі Қарттар күніне орай 91 672 зейнеткердің біржолғы әлеуметтік төлем алатынын мәлімдеді, деп хабарлайды «Адырна» тілшісі.

«1 қазан- Қарттар күніне орай жасы бойынша 91 672 зейнеткерге және зейнеткерлік жастағы адамдарға зейнетақының ең төменгі мөлшерін алушылар қатарынан 2,5 АЕК (7950 теңге) мөлшерінде біржолғы әлеуметтік көмек көзделген. Төлемдердің жалпы сомасы 730 млн. теңгені құрайды. Төлем "Азаматтарға арналған үкімет" мемлекеттік корпорациясы" Коммерциялық емес акционерлік қоғамының Астана қаласы бойынша филиалы – "Әлеуметтік төлемдерді ведомствоаралық есептеу орталығы" Департаментінің тізімдері негізінде Астанада тіркелген және тұрақты тұратын жасына байланысты зейнетақы алушыларға жүргізіледі»,—деді ведомство.

Айта кету керек, төлемдер 3 қазанға дейін жүзеге асырылады.

adyrna.kz

politico.kz

#Басты ақпарат