Астана саммитінен бастап ШЫҰ толыққанды «Шанхай ондығы» форматында жұмыс істейді

Бұл туралы Қытайдың Синьхуа ақпарат агенттігіне сұхбат берген Мемлекет басшысы айтты,-деп хабарлайды politico.kz

«Өз басым Шанхай ынтымақтастық ұйымымен ерекше қарым-қатынаста болғанымнан бастайын. 1996 жылы оның құрылуына, келіссөздерге және құжаттарды дайындауға қатысуға мүмкіндігім болды. Осы жылдың 3 шілдесінде, ширек ғасырдан сәл астам уақыттан кейін Шанхай жиынының Қазақстанға оралуы өте символикалық мәнге ие. Осы жылдар ішінде «Шанхай бестігінің» құрамы екі есеге ұлғайып, Астанадағы саммиттен бастап Ұйым толыққанды «Шанхай ондығы» форматында жұмыс істей бастайды», - деді Мемлекет басшысы.

«Біздің күш-жігеріміз қауіпсіздік мәселелерін шешудің ортақ тәсілдерін әзірлеуге, сауда-экономикалық ынтымақтастықты нығайтуға, экологияны қорғауға жәрдемдесуге және халықтарымыз арасындағы достық байланыстарды нығайтуға бағытталатын болады», - деді Тоқаев.