Президент Әйгерім Алтынбекті жеңісімен құттықтады

Қасым-Жомарт Тоқаев Әйгерім Алтынбекті жеңісімен құттықтады, деп хабарлайды POLITICO.KZ.

Мемлекет басшысы Қасым-Жомарт Тоқаев опера әншісі Әйгерім Алтынбекке арнайы құттықтау жеделхатын жолдады. Өнер иесі Италияда өткен беделді ХІ халықаралық CLIP 2025 опера байқауында топ жарып, жеңімпаз атанған болатын.

– Еліміздің мәдениетін төрткүл әлемге танытып, халықаралық сарапшыларды мойындатқан бұл жетістігіңіздің мән-маңызы зор. Сіз мемлекетіміздің мерейін үстем етіп, төл өнерімізді әлемнің төріне шығардыңыз. Алдағы уақытта да биік белестерді бағындыра бересіз деп сенемін! – деп жазды Президент. 

Әйгерім Алтынбектің бұл жеңісі – қазақ опера өнерінің көкжиегін кеңейтіп, әлем алдындағы беделін арттыра түсті.