Қазақстанда орташа жалақы 400 мың теңгеден асты - вице-министр

Еңбек және халықты әлеуметтік қорғау министрлігі Қазақстанда орташа жалақы 400 мың теңгеден асқанын мәлімдеді. Вице-министр Ақмәди Сарбасовтың айтуынша, қазір ең төменгі шекті 85 мың теңге жалақыны 175 мың адам алады екен.

Бүгінде Ұлттық статистика бюросының мәліметі бойынша, орташа жалақы – 403 мың теңге. Біз мониторинг жүргіземіз. Біздегі мәлімет бойынша, 160 мың адам 100 мың теңгедей жалақы алады. Ал 175 мың адам 85 мың теңге көлемінде айлық алады, - деді Ақмәди Сарбасов.

Сондай-ақ ол жалақы білім деңгейі мен жұмыс сапасына байланысты тағайындалатынын атап өтті. Фото: Еркеғали Болатұлы

#Ақмәди Сарбасов #вице-министр #Еңбек және халықты әлеуметтік қорғау министрлігі #орташа жалақы #Ұлттық статистика бюросы