Қазақстандықтарға Балиге көңілдесін ертіп баруға тыйым салынды

Индонезияда жаңартылған Қылмыстық кодекс күшіне енді. Жаңа талаптарға сәйкес, ресми некеде тұрмаған адамдар арасындағы интимдік қарым-қатынас үшін қылмыстық жауапкершілік қарастырылған, деп хабарлайды Politico.kz

Аталған норма тек ел азаматтарына ғана емес, шетелдік туристерге де қатысты. Бұл қатарда Қазақстан азаматтары да бар.

Заң бойынша, некесіз қатынас үшін бір жылға дейін бас бостандығынан айыру жазасы тағайындалуы мүмкін. Дегенмен, маңызды бір ерекшелік бар: қылмыстық іс тек жақын туыстары немесе заңды жұбайы тарапынан ресми шағым түскен жағдайда ғана қозғалады.

Айта кетейік, бұл өзгерістер 2026 жылдың қаңтар айынан бастап күшіне еніп, Индонезиядағы ауқымды құқықтық реформаның бір бөлігі ретінде қабылданған.