Таразда 14 жастағы оқушы төбелес кезінде қаза тапты

Таразда жасөспірім қаза тапты, деп хабарлайды POLITICO.KZ

1 қыркүйек күні Тараз қаласында кәмелетке толмағандар арасында төбелес шығып, соңы қайғылы аяқталды. Қаладағы 14 жастағы оқушы пышақ жарақатынан көз жұмды.

Облыстық полиция департаментінің хабарлауынша, аталған дерек бойынша Қазақстан Республикасы Қылмыстық кодексінің 99-бабы («Адам өлтіру») бойынша қылмыстық іс қозғалды. Жедел-іздестіру шаралары барысында кәмелетке толмаған күдікті ізін суытпай ұсталып, уақытша ұстау изоляторына қамалды. Қазіргі таңда тергеу амалдары жүргізілуде.

Тараз қаласының білім бөлімі оқиғаның оқу үдерісінен тыс уақытта болғанын мәлімдеді. Ресми ақпаратқа сәйкес, жанжал тұрмыстық себептерден туындаған және жасөспірімдер бұрын таныс болмаған.