Таразда адам өлтірген 9-сынып оқушысы сотталды
Жамбыл облысының кәмелетке толмағандардың істері жөніндегі мамандандырылған ауданаралық соты жанжал кезінде құрдасының өліміне себепкер болған мектеп оқушысына қатысты үкім шығарды, деп хабарлайды Politico.kz.
Жамбыл облысында құрдасын өлтірген оқушы 6 жыл 8 айға сотталды
Сот материалдарына сәйкес, кәмелетке толмаған жасөспірімге Қылмыстық кодекстің 106-бабы 3-бөлігі бойынша айып тағылған.
Іс барысында анықталғандай, Тараз қаласындағы мектептердің бірінде 9-сыныпта оқитын екі оқушы арасында жанжал шыққан. Қақтығыс барысында жәбірленуші мойнынан ауыр жарақат алып, оқиға орнында көз жұмған.
Жасөспірімнің кінәсі куәлардың айғақтарымен, сот-медициналық сараптама қорытындысымен және заттай дәлелдемелермен толық дәлелденген.
Сот үкімін шығару кезінде айыпталушының жасы, кінәні ішінара мойындауы және оң мінездемесі жазаны жеңілдететін мән-жайлар ретінде ескерілген. Ауырлататын мән-жайлар анықталмаған.
Сот шешімімен мектеп оқушысы кінәлі деп танылып, 6 жыл 8 ай мерзімге бас бостандығынан айырылды. Сондай-ақ сот жәбірленуші тараптың пайдасына айыпталушының ата-анасынан 10 миллион теңге көлемінде моральдық зиян өндіруді міндеттеді.
Айта кетейік, сот үкімі әзірге заңды күшіне енген жоқ.
Соңғы жаңалықтар
