Тоқаев АҚШ-пен келіссөз жүргізетін адамды тағайындады

Мемлекет басшысы Қасым-Жомарт Тоқаевтың өкімімен еліміздің халықаралық аренадағы дипломатына жауапты миссия жүктелді, деп хабарлайды Politico.kz

Ержан Хозеұлы Қазыхан Америка Құрама Штаттарымен ынтымақтастықтың өзекті мәселелері бойынша келіссөздер процесіндегі Қазақстан Республикасы Президентінің арнайы өкілі болып бекітілді.

Айта кетейік шенеунік бұл міндетті өзінің негізгі қызметімен қатар атқаратын болады. Ол қазіргі уақытта Швейцарияның Женева қаласындағы Біріккен Ұлттар Ұйымының бөлімшесі мен өзге де халықаралық ұйымдар жанындағы Қазақстан Республикасының Тұрақты өкілі лауазымын атқарып келеді.

АҚШ Ержан Қазыхан Қасым-Жомарт Тоқаев