Үкімет коммуналдық тарифтерді көтермейтін болды

Үкімет коммуналдық тарифтерді көтеруді кейінге шегерді

Биылғы бірінші жартыжылдықта ақылы қызметтер саласындағы бағаның күрт өсуі инфляцияны 16,1 пайызға дейін шарықтатты. Осыған байланысты Үкімет халықтың қалтасына түсетін ауыртпалықты жеңілдету үшін маңызды шешім қабылдады.

Коммуналдық қызмет тарифтері әзірге көтерілмейді. Бұл туралы Үкіметтің ресми хабарламасында айтылды.

"Бұл қадам азаматтардың қаржылық жүктемесін азайтуға және инфляция қарқынын тұрақтандыруға бағытталған", — делінген мәлімдемеде.

Осылайша, Үкімет тарифтерді біртіндеп өсіру жоспарын кейінге қалдырып, әлеуметтік тұрақтылықты сақтауға басымдық беріп отыр.