Түркияда Құрбан айт мерекесінің алғашқы күні 16 мыңға жуық адам жарақат алды

Денсаулық сақтау министрлігі басшысының сөзінше, жараланғандар құрбандыққа мал сою кезінде түрлі пышақ жарақатын алып, медициналық көмекке жүгінген. 

Министрліктің хабарлауынша, Анкарада 1274 адам, Стамбулда 840 адам, Измирде 416 адам зардап шеккен.

Биліктің талабына сәйкес құрбандыққа шалынған жануарларды сою санитарлық нормаларды сақтай отырып, арнайы бөлінген орындарда жүзеге асырылуы тиіс. Алайда Түркияда бұл талаптар жиі бұзылып, жыл сайын Құрбан айт мерекесінде мыңдаған жергілікті тұрғын жарақат алады.