Ұялы телефоны «қара тізімге» енгендер енді ешкіммен хабарласа алмайды

Қазақстанда абоненттік ұялы байланыс құрылғыларын тіркеу ережесі өзгермек. Мұнда ұялы телефондардың ақ, сұр және қара тізімдерін жасау жоспарланып отыр. Телефон қара тізімге енсе, бұдан былай оған байланыс қызметі көрсетілмейді, деп хабарлады politico.kz Stan.kz-ке сілтеме жасап.

 Құжат 16 тамызда «Ашық құқықтық актілер» порталында «Ұялы байланыстың абоненттік құрылғыларын тіркеу қағидаларын бекіту туралы» Ақпарат және коммуникациялар министрінің міндетін атқарушының 2018 жылғы 23 мамырдағы №226 бұйрығына өзгерістер мен толықтырулар енгізу туралы тақырыбымен жарияланған.

Қара тізімде «ұялы байланыс қызметін көрсетуге тыйым салынған» мобильді құрылғылардың нөмірлері болады. Бұл тізімге Қағидаларға сәйкес сәйкестендіру кодының дерекқорына енгізілмеген құрылғылар кіреді.

Атап айтқанда, олар:

• сәйкестендіру коды дұрыс емес немесе өзгертілген;
• өндіруші тағайындаған сәйкестендіру коды жоқ;
• сәйкестендіру коды мобильді байланыс қауымдастығының (GSMA) ғаламдық жүйесінде қара тізімге енгізілген.

Ақ тізім – ұялы байланыс қызметтерін көрсетуге рұқсат етілген абоненттік ұялы құрылғылардың тізімі. Ол туралы ақпарат МИУ АЖ-де сәтті тексерілген және қағидаларға сәйкес абоненттік ұялы байланыс құрылғыларының сәйкестендіру кодтарының дерекқорына енгізілген ұялы байланыс құрылғыларын қамтиды.

Сұр тізім – ұялы байланыс қызметтерін көрсетуде шектелген абоненттік ұялы байланыс құрылғыларының жиынтығы. Яғни ақ және қара тізімдерге енгізілмеген, абоненттің сәйкестендіру кодтарының дерекқорына уақытша енгізілген абоненттік ұялы байланыс. Телефоны сұр тізімде бар абонент бұл туралы хабардар болуы керек.

Сіз сұр тізімде 30 күн бола аласыз. Егер абонент ешқандай әрекет жасамаса, ол мобильді байланыс қауымдастығы (GSMA) ғаламдық жүйесінің қара тізіміне енгізіледі.

Көрсетілген хабарламаны алған сәттен бастап ұялы байланыс операторы абоненттік ұялы байланыс құрылғысының иесіне тыйым салу негіздерін көрсете отырып, ұялы байланыс қызметін көрсетуге тыйым салынғаны туралы хабарлайды.

«Абоненттік ұялы байланыс құралдарын тіркеу ережесіне» ұсынылатын өзгерістердің толық мәтінімен мына жерден танысуға болады.

Жобаны қоғамдық талқылау 2024 жылдың 2 қыркүйегіне дейін жалғасады.

Фото: Pixabay