Украиналық боксшы финалда Нұрбек Оралбаймен жекпе-жектің қалай өткенін айтты

Украиналық боксшы Александр Хижняк Тribuna.com сайтына берген сұқбатында Париж Олимпиадасының финалында 80 келі салмақ дәрежесінде қазақстандық спортшы Нұрбек Оралбаймен болған жекпе-жегі туралы айтты, деп хабарлады politico.kz. Еске сала кетсек, финалдағы бұл жекпе-жекте украиналық боксшы 3:2 есебімен жеңіске жетіп, Нұрбек Оралбай күміс жүлде еншілеген еді.

Мен шаршы алаңның бұрышына келіп отырғанымда бас бапкердің не айтқанын естідім. Әкем одан бірінші раундтан кейін есеп қанша болғанын сұрады. Бапкер 3:2 есебімен қазақтың пайдасына шешілгенін айтты. Ал екінші раунд 3:2 есебімен менің еншіме жазылғанын естідім. Әрине мен жекпе-жек тең дәрежеде болғанын сездім. Тек соңғы раундтан кейін жеңгенімді түсіндім, - деді Хижняк.

Айта кетейік, Қазақстан ерлер құрамасының өзге алты боксшысы жүлде иелене алмады. Айбек Оралбай (92 келі), Асланбек Шымбергенов (71 келі), Қамшыбек Қоңқабаев (+92 келі), Махмұд Сабырхан (57 келі), Мұхаммедсабыр Базарбайұлы (63,5 келі) және Cәкен Бибосынов (51 келі) жарыс жолынан шығып қалған болатын. Ал әйелдер арасында Назым Қызайбай (50 келі) жартылай финалда Қытай спортшысы Ву Юдан жеңіліп, Париж Олимпиадасының қола жүлдегері атанды. Фото: Photo by Xavier Laine/Getty Images

Александр Хижняк Боксшы жекпе-жек Нұрбек Оралбай

Украиналық боксшы финалда Нұрбек Оралбаймен жекпе-жектің қалай өткенін айтты

Соңғы жаңалықтар