Алматыда мәйіттерге жыныстық қатынас жасаған күзетші сотталмайтын болды

Алматы қаласының прокуратурасы некрофилияға күдікті ер адамға қатысты тергеу барысына түсінік берді.

Еске сала кетсек, Алматыда мәйіттермен жыныстық қатынасқа түскен күзетші биыл сәуір айының соңында ұсталған болатын. Бірнеше күннен кейін Әділет министрлігі жағдайға түсінік беріп, күдіктінің сот-сараптама орталығымен және оның аумақтық бөлімшелерімен еңбек қатынасы жоқ екенін мәлімдеді. Ведомство өкілі күзетшінің 2022-2023 жылдары тендерді жеңіп алған жеке компанияда жұмыс істегенін айтты.

Алматы қаласының прокуратурасы 24 сәуірде «Мәйіттерді қорлау» фактісі бойынша сотқа дейінгі тергеу басталғанын хабарлады. Алайда қазір сотқа дейінгі тергеп-тексеру мерзімін үзу туралы қаулы шығып, тергеу тоқтатылып отыр.

Қылмыстық-процестік кодекстің 45-бабы 7-бөлігінің 4-тармағы бойынша күдіктінің психикасында ауытқу немесе өзге де ауыр сырқаты бар екені анықталса, тергеу тоқтайды.

Фото: otvet.mail.ru