Петропавлға таза су беріліп жатыр, жалған ақпарат таратушылар жауапқа тартылады – Серік Мұхамедиев
Петропавлда жергілікті билік балама су көзін қосып, тұрғындарды сумен қамту мәселесін екі күн ішінде шешті. Бірақ бүгін әлеуметтік желіде сумен қамтушы кәсіпорынды су басқандығы туралы видео тарап, халықты тез арада су қорын жасауға шақырған аудиожазба чаттан чатқа көшті.
Петропавл қаласының әкімі бұл жазбалардың жалған екендігін хабарлап, жұртты қауесетке ермеуге шақырды.
«Кеше кешке үйлерге су берілді. Бүгін таңертең сорғы станциясын су басқандығы туралы жалған ақпарат тарап, су қорын жинауға шақырған хабарлама тарады. Соның салдарынан бүкіл қала тұрғындары су алуға кірісіп, судың қысымы түсіп кетті. Ал тараған бейнежазбаның «Қызылжар су» кәсіпорнына қатысы жоқ. Қала тұрғындары, қайталаймын – тараған ақпарат жалған. Біз өз әрекеттімізбен әдеттегі жұмыс режимін бұзып, су қысымын жасанды түрде төмендетіп жібердік. Жалған ақпарат таратушылар! Петропавлда қазір өте қиын жағдай, адамдар алаңдап отыр, сіздер фейк тарату арқылы дүрбелең тудырып отырсыздар. Бұл бейне-аудио жазбалардың барлығы авторлар мен таратушыларды жауапкершілікке тарту үшін құқық қорғау органдарына жіберілді», — деді Серік Мұхамедиев.
Қала әкімінің айтуынша, қазір су қысымы қалпына келеді. Жасанды түрде дүрбелең тудырған кінәлілер жазаланады.
Бұған дейін Петропавлда жалған ақпарат таратқан 20 жастағы жігіттің жауапқатартылғандығын айтқан едік.
ПІКІР ЖАЗУ
Порталымыздың мобильді қосымшасын жүктеп алыңыз.
