1,1 млрд теңге жұмсамақ болды: Әкім орынбасары жазаланды

Ақмола облысына қарасты Степногорск қаласында бюджет қаражатын негізсіз жұмсамақ болған бірқатар шенеунік, оның ішінде әкімнің орынбасары тәртіптік жазаға тартылды, деп хабарлайды Politico.kz облыстық прокуратураның баспасөз қызметіне сілтеме жасап.

Қадағалау органының мәліметіне қарағанда, жергілікті әкімдік шаһарды қысқы және жазғы мезгілде күтіп-ұстау жұмыстарын жоспарлау кезінде сметалық құнды қолдан өсіріп, бәсекелестікті шектейтін заңсыз талаптар қойған. Осының салдарынан құны 1,1 млрд теңге болатын тоғыз мемлекеттік сатып алу байқауы тоқтатылып, жобалардың бағасы қайта қаралды.

Нәтижесінде артық шығындар қысқартылып қазынаның 386 млн теңгесі сақталып қалды, ал аталған заң бұзушылықтарға тікелей жауапты қала әкімінің орынбасары мен мемлекеттік активтер бөлімінің басшысы тиісті жауапкершілікке тартылды.

Ашық дереккөздерде қала әкімінің Фархат Байқасов және Дархан Оспанов есімді екі орынбасары көрсетілгенімен, құзыретті орган олардың нақты қайсысы жазаланғанын ашып айтқан жоқ.

Ақмола облысы Прокуратура Степногорск Тендер Әкімнің орынбасары

1,1 млрд теңге жұмсамақ болды: Әкім орынбасары жазаланды

Соңғы жаңалықтар