2025 жылы кедейлік шегін анықтау ережелері өзгереді

2024 жылдың қорытындысы бойынша 78,1 мың отбасының 413,7 мың қазақстандық тұрғынына атаулы әлеуметтік көмек (АӘК) тағайындалды. ҚР Еңбек және халықты әлеуметтік қорғау министрлігінің баспасөз қызметі 2025 жылдан бастап әлеуметтік көмек тағайындау жаңа ережелер бойынша жүзеге асырылатынын мәлімдеді, деп хабарлайды POLITICO.KZ.

Жаңа ережелер:

• Әлеуметтік көмек тоқсан сайын табысы кедейлік шегінен аспайтын азаматтарға тағайындалады.
• 1 жастан 6 жасқа дейінгі аз қамтылған отбасылардың балаларына ай сайын 1,5 АЕК мөлшерінде қосымша төлем төленеді.
• Отбасыларды жұмыспен қамтуға қолдау көрсету: жұмысқа орналастыру, өз ісін ашуға гранттар беру, біліктілікті арттыру курстарына жіберу.

2024 жылдың қорытындысы бойынша қосымша төлем АӘК алушылар қатарындағы мектеп жасына дейінгі 129,5 мың балаға тағайындалды. Жалпы төлем сомасы 5,4 млрд теңгені құрады.

Қазақстандықтар АӘК алу үшін өтінішті жұмыс орталығына, тұрғылықты жері бойынша ауылдық округ әкіміне немесе электронды үкімет порталы (egov.kz) арқылы бере алады.