"3 жас пен 11 айлық": Ақтөбеде әйел екі баласын тұншықтырып өлтірді

Кандыағаш қаласында көпқабатты тұрғын үйден екі жас баланың мәйіті табылды, деп хабарлайды POLITICO.KZ.

 Қайғылы оқиға туралы Atyrau Online Telegram-арнасы хабарлады.

Марқұм балалардың бірі – 11 айлық, екіншісі – 3 жаста болған. Оларды өлтірді деген күдікпен Атырау облысының тұрғыны – балалардың анасы ұсталды. Әйел адам мереке күндері пойызбен Кандыағашқа туыстарына қонаққа келген.

Алдын ала мәлімет бойынша, әйел босанғаннан кейінгі депрессия жағдайында болған. Қазіргі уақытта қылмыстық іс қозғалып, күдікті уақытша ұстау изоляторына қамалды. Бұл туралы Ақтөбе облыстық полиция департаменті хабарлады.

Құқық қорғау органдары оқиғаның нақты қалай және не себепті болғанын анықтап жатыр.