«Әкемді әділетсіз кінәладым»: Рамазан Амантай сұхбатта толқып, өткеніне өкініш білдірді

Танымал актер, ақын әрі продюсер Рамазан Амантай журналист Жанар Байсемізге берген сұхбатында әкесі жайлы сыр шертіп, сезімін жасырмады, деп хабарлайды Politico.kz

Сұхбат барысында өнер иесі бір кездері әкесіне өкпе артқанын айтып, көзіне жас алды.

«Бұрын әкеме ренжіген кездерім болды. Бірақ ол шақтар артта қалды. Қазір жүрегімде еш өкпе жоқ. Ол менің балалық шағымның салдары екен. Қанша ел алдында жүрген адам болсам да, әкемнің орнын баса алмаймын. Бір кездері оны орынсыз кінәлап, ауыр сөз айтқаным бар. Адам ата-анасына қалай ренжиді? Қазір ата-ананы “кешіру” деген түрлі практикалар шығып кетті, мен соған қарсымын. Маңыздысы хан болу емес, бар болу. Бүгінде олардың көз алдымызда әлсіреп бара жатқанын көргенде, жүрек езіледі», – деді ол.

жанар байсеміз Рамазан Амантай сұхбат