Активтерді қайтару жөніндегі қызметінің бастығы тағайындалды

Бас Прокурордың бұйрығымен Нұрдәулет Сүйіндіков Бас прокуратураның Активтерді қайтару жөніндегі қызметінің бастығы лауазымына тағайындалды, деп хабарлайды Politico.kz.

Жаңа басшы бұған дейін де осы салада жауапты қызмет атқарған. Ол соңғы екі жыл бойы Активтерді қайтару комитетінің төрағасы болды.

Аға әділет кеңесшісі Нұрдәулет Сүйіндіков еңбек жолын Оңтүстік Қазақстан облысы Арыс ауданы прокурорының аға көмекшісі болып бастаған. Тәжірибелі маман әр жылдары Бас прокуратурада түрлі басшылық лауазымдарда еңбек етті. Атап айтқанда, ведомствоның ресми өкілі, Астана қаласы Сарыарқа ауданының прокуроры және Ақтөбе облысы прокурорының бірінші орынбасары қызметтерін атқарды.

Сондай-ақ ол Стратегиялық даму департаменті мен Халықаралық-құқықтық ынтымақтастық қызметін басқарған. Қызметтегі жоғары жетістіктері үшін Нұрдәулет Сүйіндіков Бауыржан Момышұлы атындағы ІІ дәрежелі «Айбын» орденімен марапатталған.

Тоқаев Бас прокурордың орынбасарын тағайындады

Тоқаевтың сынынан кейін Шымкент полициясына жаңа басшы тағайындалды

Активтерді қайтару жөніндегі қызметі Бас прокуратура Берік Асылов Сүйіндіков Нұрдәулет Қазақстан

Активтерді қайтару жөніндегі қызметінің бастығы тағайындалды

Соңғы жаңалықтар