Алматыда түнде қоймалар өртенді

18 қазан 2026, 16:00 7

Алматыда түнде қоймалар өртенді — Фото: Бейнеден кадр

Алматыда түн ішінде ірі өрт шықты. Бірінің үстіне бірі қойылған жүк контейнерлерінен жасалған қоймалар отқа оранып, жалын екі қабатты ғимаратқа да жеткен, деп хабарлайды Politico.kz.

Өрт Алматының Алмалы ауданындағы Жамбыл көшесінде орналасқан серіктестіктердің бірінде болған. Түнде «112» қызметіне қоймадан өрт шыққаны туралы хабар түскен.

Оқиға орнына жеткен құтқарушылар екі қабат етіп орналастырылған 40 тонналық контейнерлерден жасалған қоймалардың жанып жатқанын анықтаған. Жалын сол маңдағы екі қабатты әкімшілік ғимаратқа да жартылай таралған.

Өртті сөндіру оңайға соқпаған. ТЖМ мәліметінше, қоймалардың ішіндегі жоғары температура, сақталған заттардың көптігі және өрт ошағына жетудің қиындығы құтқарушылардың жұмысына кедергі келтірген.

Соған қарамастан, өрт сөндірушілер жалынды толық ауыздықтады. Өрт 280 шаршы метр аумақты шарпыған. Зардап шеккендер жоқ.

Алматы ТЖМ Қойма Өрт

Бізді Google-дың негізгі дереккөздер тізіміне қосыңыз

Қосу

Алматыда түнде қоймалар өртенді

Соңғы жаңалықтар