Америкалықтар асырап алған қазақ баласы Пол Сардар үйленді

Америкалық отбасы асырап алған қазақ жігіті Пол Сардар Бэбкок үйленді. Бұл жаңалықты ол өзінің әлеуметтік желідегі парақшасында бөлісті, деп хабарлайды POLITICO.KZ

«Осы періштені өміріме әкелгені үшін Құдайға күн сайын алғыс айтамын Ол Нью-Йорктегі менің рокым, және біз бірге саяхатымызды бастағанымызға өте қуаныштымыз. Мен ол кісіні кездестірсем деп дұға еттім, енді оны болашақ жарым деп атаймын», — деп жазды ол.

Пол Сардар 1999 жылы Тараз қаласында дүниеге келген. Анасы оны перзентханада қалдырып кеткеннен кейін, 11 айлығында америкалық отбасы асырап алған. АҚШ-та оған «Пол Сардар Бэбкок» деген есім берілген. «Сардар» есімі оған туған жерінде қойылған.

АҚШ-та өскен Пол «Халықаралық қатынастар» мамандығы бойынша білім алған.