Ақмола облысында құны 30 млн теңге тұратын есірткі тәркіленді

47 жастағы күдіктіден психотроптық заттар табылды

Ақмола облысында құны 30 миллион теңгеге жуық синтетикалық есірткі тәркіленді, деп хабарлайды Politico.kz.

Ақмола облысында полицейлер синтетикалық есірткіні сақтап, оны сатуға дайындады деген күдікпен 47 жастағы ер адамды ұстады.

Тәртіп сақшылары күдіктінің автокөлігіне жүргізілген тінту барысында психотроптық зат салынған екі пакетті анықтаған. Тергеу мәліметінше, ер адам Көкшетау қаласына құны шамамен 30 миллион теңгені құрайтын ірі көлемдегі есірткі партиясын жеткізген.

Алдын ала ақпарат бойынша, ол тыйым салынған заттарды ұсақтап қаптап, кейін оларды «жасырын орындарға» қалдыру арқылы таратумен айналысатын адамдарға беруді жоспарлаған.

Қазіргі уақытта аталған факті бойынша сотқа дейінгі тергеу жүргізіліп жатыр. Полицейлер оқиғаның барлық мән-жайын анықтап, күдіктінің ықтимал сыбайластарын іздестіруде.

Алматы әкімдігі Михаил Шайдоровқа қымбат пәтер сыйламақ

Олжас Бектенов елдегі жанармай тапшылығына қатысты маңызды шешім қабылдады

Ішкі істер министрлігі Ақмола облысы Есірткі күдікті полиция қызметкері

Ақмола облысында құны 30 млн теңге тұратын есірткі тәркіленді

Ақмола облысында құны 30 миллион теңгеге жуық синтетикалық есірткі тәркіленді, деп хабарлайды Politico.kz.

Соңғы жаңалықтар