Ақмола тұрғыны полиция инспекторын қағып, мерт қылды

7 желтоқсанда «Астана – Ерейментау – Шідерті» трассасында патрульдік полиция инспекторының өмірін қиған қайғылы оқиға болды. Бұл ақпаратты өңірлік Полиция департаменті растады, деп хабарлайды POLITICO.KZ.

Қызметтік міндетін атқару барысында қаза тапқан инспектордың өліміне қатысты сотқа дейінгі тергеп-тексеру басталды.

«Алдын ала мәлімет бойынша, көлік жүргізушісі рульге ие бола алмай, жол қозғалысының қауіпсіздігін қамтамасыз етіп тұрған патрульдік полиция инспекторын қағып кеткен», — делінген ведомство хабарламасында.

Полиция департаментінің басшылығы мен жеке құрамы марқұмның жақындары мен туған-туыстарына қайғыра көңіл айтады.