Ақтөбе облысында дауылдан құлаған 47 метрлік мұнарадан кейін ұялы байланыс толық қалпына келтірілді

Ақтөбе облысы Байғанин ауданында қатты желдің салдарынан құлаған биіктігі 47 метрлік байланыс мұнарасынан кейін тұрғындар үшін ұялы байланыс қызметі қайта іске қосылды, деп хабарлайды Politico.kz.

Оқиға 9 шілдеде Қарауылкелді ауылында болып, 1975 жылы пайдалануға берілген Қазақтелеком АҚ теңгеріміндегі темір құрылғы дауылға төтеп бере алмай құлап түскен еді. Апат салдарынан нысанда орналасқан Кселл мен Алтел операторларының, сондай-ақ сымсыз телефон желісінің жабдықтары зақымданған.

Дегенмен жауапты мамандар жедел шаралар қабылдап, қазіргі уақытта Кселл және Кар-Тел байланыс операторларының қызметін толық қалпына келтірді әрі ауыл халқына бұл қызмет штаттық режімде еш кедергісіз көрсетіліп жатыр. Ал оқиғадан келтірілген материалдық шығын көлемін Қазақтелекомның орталық филиалы мен Байғанин ауданының әкімдігі бірлесіп жүргізетін арнайы бағалау жұмыстарының қорытындысы бойынша анықтайтын болады.