Астана депутаттары бос автобуспен жүріп көліктің жаңа жеткізілімдері туралы айтты

Мәслихат депутаттары №1 Индустриялық парктегі құрылыс алаңына барды. Ол жерде елорда үшін маңызды жоба — бірінші автобус паркінің газ және дизель отынымен жұмыс істейтін автобустарға арналған тұрақ пен ангарлар салу іске асырылуда, деп хабарлайды POLITICO.KZ. 

Мұнда заманауи инфрақұрылым — 300 газ автобусына арналған тұрақ, оларға қызмет көрсетуге арналған ангарлар құрылады. Сонымен қатар сағатына 55 автобусқа дейін жанармай құюға және 35 жұмыс орнын құра алатын 15 бағаналы газ толтыратын компрессорлық станция қолданысқа берілмек. Құрылысты биыл аяқтау жоспарлануда. 

Бұған дейін елордалық мәслихат депутаттары мемлекеттік органдардың өкілдерімен бірлесіп ҚХР-дың бірқатар компанияларына жұмыс сапарымен барған болатын. Оның қорытындысы бойынша Елордаға осы жылдың өзінде-ақ келетін 300 жаңа Yutong автобусын экологиялық және үнемді газ отынымен жеткізу туралы шешім қабылданды. Мәслихат отырысында айтылған депутаттық корпустың бастамасы бойынша газ қондырғысы бар көліктің дәл осы түріне қолдау көрсетілді. Астана автобус зауытымен 5 жылдан астам уақыт жұмыс істейді және олардың техникасы қала тұрғындары мен елорда қонақтары арасында өзін жақсы жағынан көрсетті.