Астанада 2025 жылы 15 жаңа мектеп ашылады

2025 жылы Астанада 22 мың оқушыға арналған 15 жаңа мектеп пайдалануға беріледі, деп хабарлайды POLITICO.KZ.

Қала әкімдігінің білім басқармасының басшысы Қасымхан Сенғазиевтің айтуынша, "Комфортты мектеп" ұлттық жобасы аясында жеті мектеп салынады. Бұл оқу орындары 14 мың оқушыны қабылдай алады. Төрт мектеп Нұра ауданында, екі мектеп Алматы ауданында, бір мектеп Байқоңыр ауданында орналасады.

"Сондай-ақ, жеке инвестиция есебінен төрт жаңа мектеп салынады. Бұл мектептер жаңа оқу жылында ашылып, 6 мыңнан астам балаға білім береді", — деді Қасымхан Сенғазиев.

Жеке инвестиция есебінен салынатын үш мектеп Есіл ауданында, ал бір мектеп Нұра ауданында бой көтереді.