Астанадағы клубта пышақталған Азаттың апасы оқиғанын видеосын жариялады

Астанадағы «Амазон» түнгі клубында пышақталған 19 жастағы Азаттың туған апасы оқиға орнынан видео жариялады. Бұл туралы POLITICO.KZ хабарлайды.

Марқұмның апасы шабуыл кезінде клубта күзетшілер, әкімшілер, тіпті полиция қызметкерлері болғанын, бірақ ешқайсысы жанжалға араша түспегенін айтады.

Еске сала кетсек, қайғылы оқиға 7 қыркүйек, жексенбі күні елордадағы түнгі клубтардың бірінде болған. Демалушылар арасында басталған жанжал төбелеске ұласып, салдарынан 19 жастағы Азат пышақ жарақатынан оқиға орнында көз жұмған.

Марқұмның апасының бұл әрекеті әлеуметтік желіде үлкен қолдауға ие болды. Желі қолданушылары #ЗаАзата хэштегімен видеолар таратып, істің әділ тергелуін талап етуде.