Автобус өзенге құлады: қаза тапқандар бар

Аргентинаның солтүстік-шығысында автобус көпірден ағып жатқан бұлаққа құлап, кемінде тоғыз адам көз жұмды.

Бұл туралы TN телеарнасы мәлімдеді.

Алдын ала мәлімет бойынша, автобус қарсы бағытта келе жатқан жеңіл көлікпен соқтығысып, соның салдарынан қоршауды бұзып, көпірден төмен құлаған.

Жол апаты кезінде 8 жолаушы мен автобус жүргізушісі қаза тапқан, тағы 29 адам ауруханаға жеткізілген.

Белгілі болғандай, автобус Обера қаласынан Пуэрто-Игуасуға қарай бағыт алған. Екі қала да Мисьонес провинциясында орналасқан. Оқиға болған сәтте трассада қалың тұман болғаны атап өтілді.