«Бақытты бол»: Димаш Құдайберген қашан үйленетінін айтты

Танымал әнші Димаш Құдайберген көпшіліктің көкейінде жүрген жеке өміріне қатысты сұраққа жауап берді, деп хабарлайды POLITICO.KZ.

Ол бұл туралы Асфендияров атындағы Қазақ ұлттық медицина университеті қабырғасында өткен кездесуде айтты.

«Үйлену керек деген әңгімені түсініп отырмын. Енді бұйырса, көреміз. Асығатын түгі жоқ. Бәрі Құдайдың қолында. Бәлкім, алдағы уақытта.. Уақыт көрсетеді», - деді ол.

Желі қолданушылар әншіге ақ тілектерін жаудырып, жылы пікір қалдырды.

«Анасына ұқсаған әдемі, сыпайы, білімді қыз жолықсын»,  «Жүрегінде иманы мен мейірімі шексіз қызды жолықтырсын баламызға», «Қайырлысын нәсіп етсін,бақытты болсын», - деп жазды желі қолданушылары.

Айта кетейік, күні кеше Асфендияров атындағы Қазақ ұлттық медицина университетінде өткен кездесуде Димаш Құдайбергенге ҚазҰМУ-дың Құрметті профессоры атағы табысталды.