Белгілі әртіс бір фильм үшін алатын қаламақысын ашық айтты

Танымал актер әрі ақын Рамазан Амантай «Байсеміз LIVE» подкастына берген сұхбатында кино жобаларындағы гонорары жайлы сөз қозғады, деп хабарлайды Politico.kz

Өнер иесі қазіргі талап етіп жүрген ақысы көпшілікке қолжетімсіз екенін әзіл аралас жеткізді.

«Қазір көбіне жобаның жалпы табысынан үлес аламын немесе ең кемі 30 миллион теңгеден жоғары сұраймын. Мұны арнайы қойдым — киноға жиі шақырмасын деген ниет. Дегенмен ұсыныс жасағандар болды, бірақ өз жобаларыммен қабаттасып кетіп, бас тартуға тура келді. Ал “ЗаманBack” фильмі үшін 35 миллион теңге алдым», — деді актер.

Рамазан Амантайдың бұл пікірі әлеуметтік желіде кеңінен талқыланып, оқырмандар арасында түрлі пікір тудырып жатыр.