Біреуі – 15 жаста: Шымкентте полицей әпкелі-сіңлілі екі қызды зорлап, видеоға түсірген

Шымкентте апалы-сіңлілі екі қыз өздеріне қол жұмсамақ болды. Олардың бірі кәмелетке толмаған, деп хабарлады politico.kz Orda.kz-ке сілтеме жасап. Расталмаған ақпаратқа сәйкес, олар бірнеше ер адамның жыныстық зорлық-зомбылығына ұшырағаннан кейін шарасыз қадамға баруға бел буған. Полиция қылмыстық іс қозғады. Құқық қорғау органдары қандай бап бойынша тергеу жүріп жатқанын айтудан бас тартты. Ашық оқиғаны қоғам белсендісі Дина Таңсәрі бөлісті. Оның айтуынша, Шымкенттегі ауруханалардың бірінің қызметкері «НеМолчи KZ» қорына хабарласып, 30 шілдеде токсикология бөліміне 21 және 15 жастағы екі қыздың түскенін жеткізген.

Оларды зорлап, видеоға түсірген. Зорлаушылардың бірі полиция қызметкері болып шықты. Қыздар арыз жазып, олармен психолог жұмыс істеп жатыр. Оларды болған жайт туралы айтса видеоны интернетке саламыз деп қорқытқан, - делінген анонимді үндеуде.

Қазір полицейлер оқиғаның мән-жайын анықтап жатыр.