«Генста апамыз»: Нағима Есқалиева тойда билеп, жұртты таңғалдырды
Халық әртісі Нағима Есқалиева тағы да ел назарында. Әлеуметтік желіде тараған видеода өнер иесі Gangsta’s Paradise әнінің әуеніне қосылып, ерекше харизмасымен тойды дүр сілкіндірген, деп хабарлайды POLITICO.KZ
Тыңдармандардың бірі оның энергиясына тәнті болса, енді бірі бұл әрекетін құп көрмей отырғаны байқалады. Әншінің сахнада емес, тойда еркін би билеуі желі қолданушылары арасында қызу талқы тудырды. Пікірлер екіге бөлінді:
Таңданыс пен қошемет білдіргендер:
«70 жаста ритмге еніп билеу – вау! Әдемі қарттыққа жетейік!», «Аңыз адам ғой!», «Тұрыстың өзі қандай, 40 жастағылар жолда қалады!», «Керемет! Жасыңыз жүзге толсын!» деді желі оқырмандары.
Ал енді бір бөлігі әншінің мұндай әрекетін құптамады:
«Ақыр заман белгілері ғой», «Қазақша ән айтқанда бұдан да күшті болар еді», «Екеуі ұрсып тұрған сияқты», «Өнеге алатын не бар? Шулағаннан басқа» деп жазып жатыр қолданушылар.
Нағима апаның бұл бейнежазбасы желіде «Біздің Генста апамыз!» деген әзілге де арқау болды. Қалай болғанда да, халық әртісінің харизмасы мен жігері көпшілікті бейжай қалдырмағаны анық.
Соңғы жаңалықтар
