Бұдан былай шұғыл жедел жәрдем шақырту ақысы қымбаттауы мүмкін

Денсаулық сақтау министрлігі шұғыл дәрігер шақыртуға төленетін ақыны арттыру жөнінде бастама көтерді, деп хабарлайды POLITICO.KZ.

28 қараша күні жарияланған министрлік бұйрығының жобасы 15 желтоқсанға дейін қоғамдық талқылауға ұсынылған. Құжатта: «МСАК ұйымдарының жұмыс уақытынан тыс шақыруларының 4 дәрежелі шұғыл жағдайларына кеткен шығындарды төлеу тарифтер бойынша төленеді, олар бір тіркелген адамға 340 теңгеден 360 теңгеге дейін өседі. Бұл құтқару қызметтерінің ресурстарын күшейтеді және азаматтардың жүгінуіне жылдам жауап беруге мүмкіндік береді» делінген.

Жобаның мазмұны Медициналық-санитариялық алғашқы көмек ұйымдарының жұмысына тікелей қатысты. Бұйрық қабылданған жағдайда, жұмыс уақытынан тыс шақыртулар бойынша төлем тәртібі жаңарып, азаматтарға жедел көмек көрсету қолжетімді болмақ. Яғни түн ортасында бала ауырғанда немесе шұғыл жағдай туған кезде 103-ке хабарласып ұзақ күту қажеттілігі азаюы мүмкін. Оның орнына тіркелген емхананың учаскелік дәрігерін немесе тиісті бригаданы үйге шақыртуға мүмкіндік беріледі, ал шығын МӘМС қоры есебінен өтеледі.