«Ешкім орысша сөйлеуге міндетті емес»: заңгер 2026 жылды қазақ тілі жылы деп атауды ұсынды

Шерзат ісі бойынша танылған заңгер Мейірман Шекеев әлеуметтік желіде қазақстандықтарға ерекше үндеу жасады, деп хабарлайды Politico.kz.

Заңгер 2026 жыл мемлекеттік қазақ тілі жылы болсын деген ұсыныс тастады.

«Қазіргі таңда әлеуметтік желілерде орыс тілінде сөйлеуді талап етіп жатқандар көп. Алайда Қазақстанның заң нормаларына сәйкес, ешкім орыс тілінде сөйлеуге міндетті емес.
Керісінше, «Қазақстан Республикасындағы тіл туралы» заңның 4-бабына сәйкес, әрбір қазақстандыққа, ұлтына қарамастан, мемлекеттік тілді — қазақ тілін меңгеру борышы жүктелген.
Мінезді болайық. Мен сот алдында да орыс тілінде сөйлеуді талап еткен өтініштерге бой ұсынбаймын», — деп жазды заңгер.

Ол президентке үндеу жолдауды ойлап отыр.

#Мейірман Шекеев #мемлекеттік тіл #орыс тілі #қазақ тілі