Головкин жартылай финалдан аса алмаған Назым Қызайбайды мақтады

Қазақстан Ұлттық Олимпиадалық комитетінің президенті Геннадий Головкин боксшы Назым Қызайбайды Париж Олимпиадасының қола жүлдесімен құттықтады, деп хабарлады politico.kz Olympic.kz-ке сілтеме жасап.

Қазақстан Ұлттық Олимпиадалық комитетінің атынан Назым мен оның бапкері Долкунжан Камековты және барша қазақстандықты Олимпиада медалімен құттықтаймын! - деді ол.

Головкин Назым Қызайбайдың ұзақ жылдар бойы еліміздегі әйелдер боксының жарқын өкілі әрі команданың көшбасшысы болып келгенін атап өтті.

Өзінің алғашқы Олимпиадасына қатысқанына қарамастан, ол әлемдегі ең мықты спортшылардың қатарынан екенін тағы бір дәлелдеді, - деп толықтырды сөзін Геннадий Головкин.

Оның айтуынша, Назымның бұл жетістігі көптеген жас спортшыға жігер сыйлап, еңбек пен төзімнің ақталатынына шынайы үлгі болады. Фото: Olympic.kz

#Геннадий Головкин #Назым Қызайбай #Париж Олимпиадасы #қола

Пікірлер (0)