Каспий құбыр консорциумына дрондар шабуыл жасады

Каспий құбыр консорциумының (КТК) «Кропоткинская» мұнай айдау станциясы 17 ақпанда дрон шабуылына ұшырады, деп хабарлайды POLITICO.KZ.

КТК мәліметінше, шабуыл кезінде жеті дрон қолданылған, олардың әрқайсысы жарылғыш заттар мен металл сынықтарымен жабдықталған. Дрондар уақыт аралығымен шабуыл жасап, нысан жұмысына кедергі келтірумен қатар, қызметкерлер арасында зардап шеккендер болуын көздеген.

Алайда станция қызметкчерлері жедел әрекет етіп, мұнай төгілуінің алдын алды. Қазіргі уақытта «Кропоткинская» станциясы уақытша жұмысын тоқтатып, ал Тенгиз – Новороссийск құбыры төмендетілген режимде жұмыс істеуде.

"Жарылғыш заттардан басқа металл зақымдайтын элементтермен толтырылған жеті ұшқышсыз ұшақ террористік шабуыл жасады. Шабуыл объектінің жұмысын бұзып қана қоймай, станцияның жедел қызметкерлері арасында құрбан болу үшін уақыт аралығымен жүргізілді", — деп хабарлады КҚК баспасөз қызметі.

КТК басқармасы оқиға орнына арнайы топ жіберген. Топ құрамында КТК бас директоры Николай Горбань да бар. Олар зиянды бағалап, нысанды қайта іске қосу уақытын анықтайды.

Каспий құбыр консорциумы халықаралық акционерлерді, оның ішінде АҚШ пен Еуропа компанияларын шабуыл туралы хабардар етті.

Айта кетейік, «Кропоткинская» мұнай айдау станциясы Ресейдегі ең ірі КТК нысандарының бірі. Бұл оқиға аймақтағы мұнай тасымалының қауіпсіздігіне алаңдаушылық тудырып отыр.