«Кайфую»: Ерке Есмахан әлеуметтік желілерден неге жоғалып кеткенін түсіндірді

Белгілі әнші Ерке Есмахан соңғы уақытта әлеуметтік желілерде сирек көрінуінің себебін айтты, деп хабарлайды POLITICO.KZ.
Өнер иесінің айтуынша, ол жай ғана өзінің ең сүйікті мезгілі - алтын күздің әр сәтінен ләззат алып жүр. Еркенің сөзінше, қазір ол отбасымен көбірек уақыт өткізіп, күйеуі мен балаларымен серуендейді. Сол себепті әлеуметтік желілерге уақыты жетпей жатыр.

«Инстасыз да кайфую», — деп бөлісті әнші.

Жуырда үшінші рет ана атанған Ерке декреттегі өмірі жайлы да айтып өтті:

«Күн сайын серуен, түскі ас дайындаймын, сериал көремін, күйеуіммен анда-мында барамыз. Осындай өмір», — деді ол.

Жақында Ерке мен RaiM отбасы үшін маңызды оқиға болды - олардың ұлы Батыр төрт айлық мерейтойын атап өтті.

«Алла саған бақ берсін. Жүрегім менің», - деп жазды Ерке кіші ұлына.