"Киіміне, тісіне дейін жағымсыз пікір жазады": Ләйлә Сұлтанқызы анасына тіл тигізгендерді орнына қойды

Қазақстандық танымал тележүргізуші Ләйлә Сұлтанқызы желіде анасының сыртқы келбетін сынағандарға жауап берді. Өнер иесі анасының киіміне, жүрген жүрісіне дейін кері пікір жазатындар бар екенін айтты. Ләйлә Сұлтанқызы анасына тіл тигізіп, оның келбетіне қатысты жағымсыз пікір жазатындарға Instagram-дағы парақшасында жауап берді. Белгілі журналист азулы жазба жариялап, аяулы анасын сынағандарды орнына қойды. "Менің анамның киген киіміне, таққан орамалына, жүрген жүрісіне, тісіне дейін кері пікір жазатындар бар. Сол кісілерге бір жауап. Мен жанында бола тұра, бар жақсыны алдына тоспағанда қайтемін? Жырақта жүргенде өзін емес, өзгенің көңілін бірінші орынға қоятыны тағы бар. Құдай беріп тұрғанда, қолымнан келіп тұрғанда үлде мен бүлдеге орауға тырысу менің міндетім", - деп жазды Сұлтанқызы.