Конституциялық сотқа 10 судья тағайындалды

Құрылтай Президент ұсынған он кандидаттың Конституциялық сот судьясы болып тағайындалуына келісім берді. Осыдан кейін Мемлекет басшысы Қасым-Жомарт Тоқаев тиісті жарлықтарға қол қойды, деп хабарлайды Politico.kz.

Кандидаттарды палата отырысында Президент Әкімшілігінің басшысы Роман Скляр таныстырды. Оның айтуынша, Конституцияның 56-бабына сәйкес Конституциялық сот судьяларын, Орталық сайлау комиссиясы мен Жоғары аудиторлық палата мүшелерін тағайындау үшін Құрылтайдың келісімі қажет.

Мемлекет басшысының жарлықтарымен Конституциялық соттың судьясы болып мыналар тағайындалды:

• Сәкен Абдолла;
• Лейла Сұлтанқызы Жақаева;
• Қайрат Төлегенұлы Жақыпбаев;
• Айжан Ержанқызы Жатқанбаева;
• Айгүл Қуанышбайқызы Қыдырбаева;
• Қанат Сергейұлы Мусин;
• Бақыт Маратұлы Нұрмұханов;
• Сергей Васильевич Скрябин;
• Аслан Султанович Тукиев;
• Сергей Федорович Ударцев.

Айта кетейік, бұған дейін Президент Тоқаев Эльвира Азимованы Конституциялық соттың төрағасы етіп тағайындаған болатын.