Мал шаруашылығын дамытпаған кәсіпкерлерден жер қайтарып алынады

Мемлекет басшысының төрағалығымен өтіп жатқан үкіметтің кеңейтілген отырысында Олжас Бектенов тартылған инвестицияларға қарамастан мал шаруашылығы едәуір артта қалып жатқанын айтты, деп хабарлайды Politico.kz.

«Кейбір ірі жер иеленушілер маусымдық кезеңде ғана жұмыс істеп, қалған уақытта ауылда жұмыссыздық белең алады. Сондықтан 10 мың гектардан астам жерді пайдаланып отырған кәсіпкерлерге міндетті түрде мал шаруашылығын жүргізу талаптары қойылды. Орындамаған жағдайда, тиісті шаралар қабылданады, оның ішінде жерді қайтарып алу тетіктері де бар», - деді Бектенов.

Оның айтуынша, мал шаруашылығын дамыту бойынша кешенді жоспарда асыл тұқымды мал басын сатып алуға жеңілдетілген несие беру, малшылардың балаларына білім гранттарын ұсыну, жасанды ұрықтандырудың заманауи технологияларын енгізу және жайылымдық мал шаруашылығын дамыту шаралары көзделген.

Мал шаруашылығы Олжас Бектенов Қасым-Жомарт Тоқаев Үкімет отырысы

Мал шаруашылығын дамытпаған кәсіпкерлерден жер қайтарып алынады

Соңғы жаңалықтар