"Мені әлі ұмытқан жоқ": сахнадан көрінбей кеткен Жанар Дұғалова қайда жүр?

Қазақстандық танымал әнші Жанар Дұғалова шығармашылығына қатысты сұраққа жауап беріп, бүгінгі жас әншілерге қатысты пікір білдірді. Өнер иесі өзіне белгілі хитмендерден әлі де ұсыныс түсіп жатқанын жеткізді.

Сахнадан көрінбей кеткен Жанар Дұғалова Revue News бағдарламасына сұқбат беріп, жас әншілермен дуэт жазуға қатысты ойын айтты. Өнер иесі көпшілік өзін әлі де ұмытпағанын алға тартып, жаңа буын өкілдері бірге туынды шығаруғы ұсыныс жасап тұратынын жасырмады. Оған қоса Дұғалова бүгінгі жұлдызды әншілерден кімдердің шығармашылығын ұнататынын айтты.

"Жас буын мені қуантып жатыр. Ұсыныстар әлі де түседі. Яғни мені әлі де ұмытқан жоқ. Мені құрметтейді, менімен ән салғысы келеді. Бірақ маған келетін репертуар әлі естімедім. Маған қазіргілерден Садраддин мен Калифарния секілді талантты жігіттер өте ұнайды", - деді әнші.