Мобилограф Қыран Талапбек Әзербайжан президентімен кездесті

Танымал блогер, халық арасында «мобилографияның атасы» деп аталып кеткен Қыран Талапбек пен әйелі Гүлзада Тұрлаш Instagram-дағы оқырмандарымен қуанышты хабарларын бөлісті. Сонымен, ерлі-зайыптылар Әзербайжанның президенті және бірінші ханымы – Ильхам, Мехрибан Әлиевтермен танысу құрметіне ие болды. Бұл кездесу үшін ең бай әзербайжандықтардың бірі – кәсіпкер және әнші Эмин Агаларов (Emin) көмектескен.

Әзербайжан президенті Ильхам Гейдарұлы Әлиевпен жеке танысу үлкен мәртебе болды. Эмин Аразовичке берілген мүмкіндік үшін зор алғысымызды білдіреміз, – деп жазды Қыран Талапбек пен Гүлзада Тұрлаш.

Оқырмандар таңданыстарын білдіріп, Қыранның халықтың көз алдында өскенін айтып жатыр. Еске сала кетсек, Қыран Талапбек биыл 23 шілдеде Эмин Агаларовтың жеке мобилографы болған-ды. Соның пайдасын енді сезініп отыр. Фото: Instagram/kyran_talapbek

#мобилограф #Эмин Агаларов #Қыран Талапбек #Әзербайжан #Әлиев