Нұрай Серікбайдың өліміне қатысты апелляциялық соттың уақыты белгілі болды

21 қыркүйек 2026, 17:00 363

Нұрай Серікбайдың өліміне қатысты апелляциялық соттың уақыты белгілі болды — Фото: коллаж politico.kz

Қатыгездікпен өлтірілген Нұрай Серікбайдың қазасына қатысты іс апелляциялық сатыда 24 қыркүйек күні сағат 10:00-де қаралады. Бұл туралы марқұмның ағасы Сұлтан Серікбай мәлімдеді, деп хабарлайды Politico.kz.

Бұған дейін бірінші сатыдағы сот шешімімен айыпталушы Шерхан Аймахан өмір бойына бас бостандығынан айырылған болатын. Сот оны бірнеше ауыр бап бойынша, атап айтқанда:

ҚР Қылмыстық кодексінің 99-бабы 2-бөлігі 5-тармағы («Аса қатыгездікпен жасалған адам өлтіру»);
125-бабы 1-бөлігі («Некеге тұруға мәжбүрлеу»);
115-бабы 2-бөлігі («Сталкинг», яғни қудалау) бойынша толық кінәлі деп тапты.

Сондай-ақ сот шешіміне сәйкес, Аймахан жәбірленуші тарапқа 25 миллион теңге моральдық өтемақы және адвокат қызметіне жұмсалған 5 миллион теңге шығынды өтеуге міндеттелген еді.

Алайда өмір бойына бас бостандығынан айырылған сотталушының қорғаушылары шығарылған үкіммен келіспей, апелляциялық шағым түсірген. Алдағы сот отырысында іс қайта қаралатын болады.

Апелляциялық Сот Кісі өлімі Нұрай Серікбай Сот үкімi

Бізді Google-дың негізгі дереккөздер тізіміне қосыңыз

Қосу

Нұрай Серікбайдың өліміне қатысты апелляциялық соттың уақыты белгілі болды

Соңғы жаңалықтар