Орынбордағы дрон шабуылы Қарашығанаққа әсер етті - Министр

Орынбордағы апат Қарашығанаққа әсер етті, деп хабарлайды POLITICO.KZ.

Қазақстанның энергетика министрі Ерлан Ақкенженов Орынбор газ өңдеу зауытындағы төтенше жағдай Қарашығанақ кен орнындағы мұнай өндіру көлеміне ықпал еткенін мәлімдеді.

«Дәл осы Орынбор газ өңдеу зауытына жасалған ұшқышсыз аппараттардың шабуылы мұнай өндірісіне әсер етті. Қазіргі сәтте сұйық көмірсутектер бойынша 8,5 мың тоннадан 9 мың тоннаға дейін шектеулер бар. Алдағы үш күн ішінде бұл шектеулер алынып тасталады деп үміттенеміз», - деді министр.

Еске салайық, Орынбор газ өңдеу зауытына 2025 жылдың 19 қазан түні дрондар шабуыл жасаған болатын. Нәтижесінде зауыттың өндірістік цехтарының бірі өртенген.

Айта кету керек, 9 мың тонна мұнай бұл Қарашығанақ кен орнындағы жалпы өндіріс көлемінің 25%-ын құрайды.